طريقه عمل اكل للاطفال من سن 6 شهور لحد سنه

اول لما الطفل يتم 6 شهور تبدأ كل ام تسأل عن نوعيه الاكل اللي ممكن تعمله لطفلها في السن ده ، ويا تري ايه الاحسن أبدأ بالفاكهه ولا بالخضار ، ممكن الطفل يأكل من الاكل العادي بتاعنا طبيخ، او مشوي، او مقلي، طب ازاي تعملي الاكل المخصص للاطفال ،  كل ده واكتر هنعرضه انهارده في موضوعنا .

اولا احب اضيف معلومه مهمه يمكن اغلب الامهات تعرفها وهي انك تبدأي تأكلي الطفل نوع واحد سواء خضار او فاكهه لمده 4 ايام، وبعض الدكاتره يقولوا 7 ايام كل يوم معلقه بعد كده معلقتين وهكذا علشان لو ظهر اي حساسيه عند الطفل من الاكل. وبعد كده تبدأي تدخلي نوعين مع بعض. 

1 – طريقه اعداد السيريلاك : 

اول حاجه كل ام بتفكر تأكلها لابنها او بنتها هي السيريلاك،  ممكن تشتريه من الصيدليه وممكن تعمليه في البيت بطريقه سهله جدا.

أولاً : سيريلاك القمح :- 

• – حضرتك تجيبي القمح تنقيه وتغسليه كويس ويترك علي الصفايه لمده 10 دقائق حتي يجف
• -تفضيه في صينيه وتحمصيه 5 دقائق علي النار بدون اضافه سمن،  او زيت.
• – يتم طحنه في المطحنه(الخلاط).
• – يوضع القمح المطحون في كيس نظيف وناخذ منه علي قدر الاحتياج.
• -يتم عمل السيريلاك بطريقتي، اولا يمكن ان تضعي 5 او 6 معالق في طبق ويتم وضع ماء فاتر علي القمح المطحون ( السيريلاك) حتي يمتزج الخليط، ثانيا يمكن ان تضعي علي القمح حليب صناعي المخصص للاطفال او حليب الام.

ثانيا : سيريلاك الارز :

• -يتم غسل الارز جيدا ثم يترك علي الصفايه حتي يجف .
• يتم تحميص الارز علي النار الهادئه .
• يتم حفظه في اكياس وناخذ منه علي قدر الاحتياج .

2 – التفاح المهروس :

• يتم احضار التفاح وتقشيره
• يقطع التفاح مكعبات ، ثم يوضع في الماء ، ويوضع علي النار
• يتم هرس التفاح وتقديمه للطفل

3 – مهلبيه التفاح :

• يتم احضار ملعقه كبيره من الارز المطحون مع تفاح متقطع مكعبات ، ويوضع كل ذلك في الماء ، ويوضع علي النار .
• يتم وضع الارز بالتفاح في الخلاط حتي يهرس جيدا ويتم تقديمه للطفل عندما يبرد .

4 – مهلبيه الجزر :

• يتم تقشير الجزر وتقطيعه مكعبات ، ووضع ملعقه من الارز المطحون في الماء ، ويوضع كل ذلك علي النار .
• يتم وضع الجزر بالارز المطحون في الخلاط حتي يهرس جيدا ويتم تقديمه للطفل .

5 – شوربه الخضار :

• يتم احضار كوسه ، وجزر ، و بطاطس ، و بسله .
• يتم تقشير الكوسه والجزر والبطاطس وتقطع مكعبات ، ثم توضع في الماء ، ويتم رفعها علي النار حتي ينضج الخضار .
• يوضع الخليط في الخلاط حتي يتم هرسه جيدا ويسهل علي الطفل بلعه

وفي نهايه الموضوع اكون قدمتلك مجموعه من الوصفات اللي ممكن تقدميها لطفلك وان شاء الله يكون موصفات اكتر علي موقعنا نهارك .كوم